دغه ناسته د کابل طبي علومو پوهنتون د محصلانو چارو مرستیال استاد حمیدالله عابد په مشرۍ د پوهنځیو رئیسانو او تدریسي مدیرانو په حضور د دعوت او ارشاد آمریت په همغږۍ د دیني عالمانو له لوري محصلانو ته د دیني درسونو وړاندې کولو، تطبیق او تنظیم په موخه ترسره شوه.
همدارنګه په یاده ناسته کې د نظم او دسپلین ځواکمنتیا، حاضرۍ، د محصلانو منظم والي(سپينو چپنو او هویت کارت) درلودلو، او د محصلانوچارو د لاښه والي لپاره د همغږۍ رامنځته کولو په اړه خبرې وشوې چې د نظرونو او پېشنهادونو له وړاندې کېدو وروسته لازمې پرېکړې وشوې.
