جدید الشمولو محصلانو ته د ښه راغلاست او پوهنتون پېژندنې غونډه ترسره شوه.

IT_Director
شنبه ۱۴۰۱/۳/۷ - ۱۵:۲۵
جدید الشمولو محصلانو ته د ښه راغلاست او پوهنتون پېژندنې غونډه ترسره شوه.

هغه مراسم چې په همدې موخه د روان ١٤٠١ هـ ش کال د غبرګولي یا جوزا میاشتې په پنځمه نېټه د کابل طبي علومو پوهنتون ابو علي ابن سینا د غونډو په تالار کې جوړ شوي وو، د کابل طبي علومو پوهنتون د رییس پوهنیار ډاکټر فضل الرحمن رحماني، علمي مرستیال پوهاند ډاکټر نجیب الله امرخېل، د مالي او اداري چارو مرستیال انجنیر عظیم الله کامران آخندزاده، سربېره استادانو، محصلانو او کارکوونکو هم ګډون کړی وو.

غونډه د قرآنکریم د څو مبارکو آیتونو په تلاوت سره پیل او د اجندا سره سم د نشراتو او اړیکو د آمر صبغت الله سجاد له لوري نویو محصلانو ته د ښه راغلاست ترڅنګ د کابل طبي علومو پوهنتون ابو علي ابن سینا د رهبرۍ او اړونده رییسانو د پېژندنې په موخه لنډ معلومات وړاندې شول.

ورپسې د یاد پوهنتون رییس ښاغلي ډاکټر فضل الرحمن رحماني محصلانو ته خپله وینا واوروله او دوی یې خپلو درسونو ته تشویق او وهڅول، ښاغلي رحماني وویل : د افغانستان اسلامي امارت او د کابل طبي علومو پوهنتون هڅه کوي، چې د هېواد د ځان بساینې لپاره د روغتیا په برخه کې اسلامي ارزښتونو ته ژمن، ورزیده او متخصص ډاکټران ټولنې ته وړاندې کړي.

همداراز د پوهنتون علمي مرستیال ښاغلي امرخېل د کابل طبي علومو پوهنتون د تاسيس او تاريخ په اړه چې په ١٣١١ کال کې د محمد نادرشاه په وخت کې د کابل پوهنتون د طب پوهنځي د بنسټ ډبره کېښودل شوه خبرې او معلومات وړانډې کړل.

د کابل طبي علومو پوهنتون د مالي او اداري مرستیال ښاغلي انجنیر عظیم الله کامران اخندزاده بیا په خپل نوبت سره نويو محصلانو ته د بریا د مبارکۍ سربیره دوی ته د زده کړو د ترلاسه کولو په برخه کې د ښه نیت درلودلو سپارښتنې وکړې او ویې ویل: هر کار کې باید د الله تعالی رضا په نظر کې ونیول شي.

ښاغلي کامران اخندزاده په خپلو خبرو کې زیاته کړه: نن په دې شرایطو کې چې تاسو ته د ښوونې او روزنې زمینه برابره شوې ده، راځئ چې د الله تعالی د دې ستر نعمت شکر ادا کړو او خپل نیت پاک کړو او زموږ هدف او خدمت باید د خدای ﷻ د رضا او هیواد لپاره وي.

هغه زیاته کړه: افغانستان زموږ او ستاسو ګډ کور دی او د یوه سوکاله هېواد د جوړولو لپاره باید شپه او ورځ کار وکړو څو یو پرمختللی هیواد ولرو.

په یادو مراسمو کې د معالجوي طب پوهنځي رئیس ښاغلي ډاکټر هدایت الله حیات محصلانو ته د تحصیلي نصاب، د کریډیټ سیسټم، د لیسانس دورې او د آزموینې د سیستم په اړه معلومات وړاندې کړل.

په پای کې د محصلانو چارو د انسجام آمر ښاغلي عطاءالله کامران د محصلانو د تګلارې او قانون طرحه تشریح کړه او ویې ویل: د لوړو زده کړو وزارت په پوهنتونونو کې د زده کړو د کیفیت او ظرفیت لوړولو لپاره هڅه کوي، نوموړي د محصلینو د ظرفیت لوړولو په برخه کې د سمینارونو، کورسونو او عملي کارونو د ترسره کولو ډاډ هم ورکړ.

تازه خبرونه

پنجشنبه ۱۴۰۴/۷/۱۰ - ۱۰:۲۵
Background image

د کابل طبي علومو پوهنتون «ابو علي ابن سینا» محصلانو لپاره د هېواد جیدو علمای کرامو له لوري د اسلامي ثقافت درسونو لړۍ بیا پیل شوه. دغه پروګرام د عصري علومو تر څنګ له دیني او عقیدتي علومو سره د محصلانو د بلدتیا په موخه پر لار اچول شوی دی.

د یادې لړۍ لومړنی درس د «شرعي او عصري علومو اهمیت» تر عنوان لاندې د شیخ الحدیث مولوي دوست محمد لخوا وړاندې شو. نوموړي په خپله وینا کې د دیني او عصري علومو تر منځ د توازن او برابرۍ پر. . .

پنجشنبه ۱۴۰۴/۷/۱۰ - ۱۰:۲۵
Background image

د علي آباد تدریسي روغتون د بطني جراحي او آنکولوژيکو ناروغیو برخې داکټرانو یو پېچلی جراحي عملیات ترسره کړی چې پکې د یو ۶۵ کلن ناروغ د لویو کولمو پاسنۍ (Ascending Colon) برخې پرمختللي تومور په بریالي ‌ډول لرې کړل شو.  

د دغه ډيپارټمنټ غړي داکټر احمد عمر امیري په وینا په یاد جراحي عملیات کې چې د لویې کولمې د  پورتنۍ تومور چې له ureter او duodenum سره نږدې نښتی و، لرې کړل شو. د ureteroureterostomy. . .

یکشنبه ۱۴۰۴/۷/۶ - ۹:۷
Background image

د رازي خصوصي پوهنتون یو شمېر محصلانو د یو علمي سیر په ترڅ کې د خپلې پوهې کچې لوړولو او طبي وسایلو سره د بلدتیا په موخه د کابل طبي علومو پوهنتون له عمومي کتابتون، طبي ټکنالوژي ډيپارټمنټ، لابراتوارونو او نورو برخو څخه له لیدنه وکړه.

د یاولو وړ ده چې دغه علمي سیر د رازي خصوصي پوهنتون ریاست په رسمي غوښتنه ترسره شوی دی او کابل طبي علومو پوهنتون د هېواد ټولو پوهنتونونو لپاره د علمي سیر په برخه کې د همکارۍ ډاډ ورکوي

BACK TO NEWS