د کابل طبي علومو پوهنتون د محصلانو چارو مرستیال له محصلینو سره د پېژندګلوۍ ليدنې تر څنګ د پوهنتون د روان سمستر درسي بهیر کتنه وکړه.
د محصلانو چارو مرستیال استاد ماسټر عطا الله فیضي د دغې پوهنتون د بېلا بېلو پوهنځیو له محصلینو سره د پېژندګلوۍ ليدنې پر مهال له لکچر صنفونو او حضوري درسي بهیر څخه نظارت او کتنه وکړه.
د محصلانو چارو مرستیال د درسونو جریان، محصلانو درسي اړتیاوو، امکاناتو او نورو اړوندو موضوعاتو په اړه خبرې وکړې او ویې ویل چې د کابل طبي علومو پوهنتون يوه موخه محصلینو ته د ښه تحصیلي چاپېریال برابرول دي او هڅه کوي تر څو زیات امکانات محصلینو ته آماده او د دوی د لاسرسي وړ وګرځوي او د درسونو او عملي کار په برخه کې یې د هغوی ستونزې واورېدې او د حل ژمنه یې وکړه.
