یک بیمار ۲۲ ساله، باشندهٔ ولسوالی شکردرهٔ کابل، که از تومور مغزی رنج می‌برد، در بخش جراحی اعصاب شفاخانه تدریسی علی آباد پوهنتون علوم طبی کابل تحت عمل جراحی موفقانه قرار گرفت.
به گفته داکتر رحمت‌الله صلاح نورزی « پیش از این انجام چنین عملیات‌های مغزی در افغانستان با مشکلات جدی روبه‌رو بود و بیماران برای تداوی و جراحی به کشورهای خارجی فرستاده می‌شدند. اما اکنون داکتران افغان توانایی آن را پیدا کرده‌اند که عملیات پیچیدهٔ مغزی را در داخل کشور با موفقیت تداوی کنند.»
داکتر نورزی افزود که این بیمار بدون هیچ‌گونه عارضهٔ صحی، در حالی‌که چهره‌اش پر از لبخند و امید بود، از شفاخانه با وضعیت صحی خوب مرخص گردید.
