د کابل طبي علومو پوهنتون اړوند علي آباد تدریسي روغتون د اورتوپيدي ډيپارټمنټ د جراحي ټیم د بدخشان ولایت اوسېدونکي یو ۴۰ کلن ناروغ د ملا ډېسک اندوسکوپيک  (Endoscopic Lumbar Discectomy) جراحي عملیات په بریالي ډول ترسره کړ. 

د دغه ډيپارټمنټ غړي ډاکټر سید فاروق جلال په وینا، ناروغ له درې کلونو راهیسې د ملا شدید درد، چپې پښې له بې حسۍ او شخ والي څخه شکایت درلود، چې په وروستیو شپږو میاشتو کې یې د پښې درد زیاتوالی موندلی و او له دوه دقیقو زیات پلي مزل توان یې نه درلود. له بشپړ معایناتو وروسته د MRI پایلو وښودله چې د ملا تیر په L4 او 5L  برخو کې disc herniation شتون لري چې د یاد تشخیص پر اساس یې د Endoscopic Lumbar Discectomy اندوسکوپيک جراحي عملیلت ترسره شو.  

د یادولو وړ ده چې په بریالي ډول د دغه پروسیجر ترسره کېدو وروسته ناروغ هېڅ ډول ناوړه احساس او یا هم منفي جانبي نښې نه درلودې او د ملا درد او پښو بې حسي یې بشپړ له منځه تللې ده او ناروغ اوس د نورمال قدم وهلو ځواک ترلاسه کړی دی.