...
د کابل طبي علومو پوهنتون د محصلانو دیني پوهې لوړوالي په موخه افتخاري درسونه چې د محصلانو د همغږۍ او دعوت او ارشاد آمریتونو په همکارۍ پیل شوي وو، د کابل طبي علومو پوهنتون رئیس شیخ الحدیث مفتي احسان الله ابوالفیضان له لوري د افتخاري درس په وړاندې کولو سره پای ته ورسېدل.
مفتي ابوالفیضان په خپله وینا کې پر حضرت محمد(صلی الله علیه وسلم) د درود شریف ویلو اهمیت او ارزښت، د انسان پیدایښت د رازونو، د اسلام له نظره د محرماتو او مکروهاتو پېژندنې او د دغه موضوعاتو په بېلابېلو اړخونو تفصیلي خبرې وکړې.
د یادولو وړ ده چې د افتخاري درسونو دغه سیمینارونه به د هېواد جیدو علماوو له خوا په راتلونکي کې هم دوام ولري.
