د کابل طبي علومو پوهنتون له روغتیايي تکمیلي علومو، نرسنګ او عامې روغتیا پوهنځيو څخه د ۲۱۴ تنه محصلانو د فراغت په مناسبت وياړمنه غونډه ترسره کړه.
په یاده غونډه کې د ا.ا.ا یو شمېر لوړ پوړیو مسوولینو( د معلوماتي ټيکنالوژۍ وزير، د لوړو زده کړو وزارت د محصلانو چارو مرستيال، د عامي روغتیا وزارت د پلان او پاليسي معين او يو تعداد نورو مسؤلينو) ګډون او وینا وکړه، فارغانو ته يې د مبارکۍ تر څنګ د علمي رسالت، اسلامي او ټولنیزو مسوولیتونو، خلکو او د هېواد روغتیايي نظام ته د خدمت کولو ارزښت او د هېواد په راتلونکي جوړولو کې د ځوانانو د ونډې په تړاو ویناوې وکړې او د هغوی د ریښتیني خدمت، علمي او عملي کچې لوړوالي پر ارزښت یې ټینګار وکړ.
په پای کې فارغو محصلانو ته تصدیق پاڼې ورکړل شوې او د کابل طبي علومو پوهنتون علمي ټولنې د غړو په توګه رسماً ټولنې ته معرفي شول.
د یادولو وړ ده چې ۶۵ تنه د عامې روغتیا پوهنځي، ۴۳ تنه د نرسنګ او ۱۰۶ تنه د روغتیايي تکمیلي علومو پوهنځي څخه فارغ شول چې په دغه ۱۰۶ تنو کې د (انستیزي، طبي لابراتوار تکنالوژي او طبي انجنیري) د درې فارغ ورکوونکو ډيپارټمنټونو محصلان شامل دي.
