د کابل طبي علومو پوهنتون اړوند سترګو تدریسي روغتون جراحۍ څانګې ته، ناروغانو ته د غوره چوپړتیاوو وړاندې کولو په موخه د ۹ سوه زره افغانیو په ارزښت د میکرسکوپ جراحي یوه پایه ماشین ورکړل شو.
د سترګو تدریسي روغتون رئیس ډاکټر محمد بشیر عثماني ووېل، دغه روغتون چې د میکرسکوپ ماشینونو له کمښت سره مخ و، د یوې ادارې لخوا چمتو او دغه روغتون ته وسپارل شو. هغه زیاته کړه چې دا ماشین د سترګو جراحي لپاره کارول کېږي.
د یادونې وړ ده چې دا میکرسکوپ ماشین د The Fred Hollows Foundation(FHF) بنسټ لخوا سترګو تدریسي روغتون ته ورکړل شو.
