د کابل طبي علومو پوهنتون «ابو علي ابن سینا» اړوند علي آباد تدریسي روغتون د اعصابو جراحي په ډيپارټمنټ کې د ورمېږ تیر ماتوالي د درملنې یو تخصصي بریالی جراحي عملیات ترسره شو.
د اعصابو جراحي ډيپارټمنټ متخصصانو په وینا ناروغ چې د کابل ولایت اوسېدونکی دی او په یوه ترافیکي پېښه کې یې د ورمېږ تیر برخه زیانمنه شوې وه، روغتون ته له انتقال او تشخیصي ارزونې او معایناتو وروسته ولطدل شوه چې د غاړې (ورمېږ) پينځمه او شپږمه مهره ماته شوې ده.
دغه متخصصان وايي چې له کره ارزونو او لازمو کتنو وروسته د اعصابو جراحي متخصص ټیم د جراحي عملیات پرېکړه وکړه. د جراحي عملیات په لړ کې ماتې شوې مهرې په نورمال ډول په خپل ځای کې کېښودل شوې او ناورغ له عملیات وروسته د مراقبت پړواونو له تېرېدو څخه د ښه روغتیايي وضعیت په لرلو سره د عصبي عوارضو پرته له روغتون څخه رخصت شو.
