...
د کابل طبي علومو پوهنتون د عامې روغتیا پوهنځي رئيس ډاکټر ضیاء الرحمن عمر د پېژندګلوۍ په یوه ناسته کې د اړوندو ډيپارټمنټونو له آمرینو سره لیدنه او خبرې وکړې. په دغه ناسته کې چې د لا بلدتیا، په علمي او اداري چارو کې د همغږۍ په موخه ترسره شوه؛ د یو شمېر مهمو موضوعاتو لکه: محصلانو ته دسیمینارونو جوړولو، د محصلانو علمې ظرفیت لوړونې، مهمو مسایلو شریکولو او اداري چارو په بهیر کې چټکتیا په اړه بحث او نظرونه وړاندې شول.
د عامې روغتیا پوهنځي رئیس په هر اړخیزو همکاریو او د پوهنځي د وضعیت په ښه والي کې د استادانو پر فعالې ونډې ټینګار وکړ او د علمي پروګرامونو په تطبیق کولو کې یې د لا زیاتې همغږۍ غوښتنه وکړه.
همدا رنګه د ډيپارټمنټونو آمرینو د درسي بهیر ښه والي، روزنیز کیفیت لوړوالي او په اداري چارو کې د آسانتیاوو په اړه خپل رغنده لیدلوري او پېشنهادونه مطرح کړل.
