د کابل طبي علومو پوهنتون د یوتن فارغ لخوا د ۷۰ ټوکه کتابونو مرسته
د کابل طبي علومو پوهنتون د طب له پوهنځي څخه څو کاله وړاندې فارغ شوي یو تن ډاکټر چې دلاور بهزاد نومیږي، نن یو شمېر مختلف طبي کتابونه کابل طبي علومو پوهنتون ته د محصلینو مطالعې او ګټې اخستنې لپاره ډالۍ کړل.
دغه کتابونه چې ۳۷ ټوکه یې خارجي او ۳۳ ټوکه یې داخلي دي د پوهنتون کتابخانې ته تسلیم شول او د کابل طبي علومو پوهنتون له ډاکټر بهزاد څخه د دغه نېک اقدام په خاطر ستاینه وکړه او د لوی خدای (ج) له دربار څخه ده ته د عظیم اجر او ثواب غوښتونکي دي.
