د کابل طبي علومو پوهنتون اړوند په علي آباد تدریسي روغتون کې د نیالګيو کېنول
د علي آباد تدریسي روغتون په انګړ کې نن چهارشنبه د ۱۴۴۴ هـ ق کال د شعبان المعظم میاشتې پر ۱۵ نېټه د پسرلي د رارسېدو په مناسبت د شنه چاپېریال او له دوړو څخه پاکې فضاء لرلو په موخه ګڼ شمېر نوي نیالګي کېښودل شول.
د یادو نيالګيو د اېښودلو پر مهال د کابل طبي علومو پوهنتون رئيس پوهنیار دوکتور فضل الرحمن رحماني، د علي آباد تدريسي روغتون رئيس ډاکټر عبدالمطلب شينواري، د یاد روغتون سرطبیب ډاکټر عبدالقدیر ستوري، مالي آمر مولوي عزت الله حقاني او يو شمېر نورو ډاکټرانو او اداري کارکوونکو هم حضور درلود.
