د کابل طبي علومو پوهنتون «ابو علي ابن سینا» اړوند سترکو تدریسي روغتون د (Healthnet) موسسې په همکارۍ پینځه ورځنی روزنیز ورکشاپ جوړ کړ.
د کابل طبي علومو پوهنتون «ابو علي ابن سینا» اړوند سترکو تدریسي روغتون د (Healthnet) موسسې په همکارۍ پینځه ورځنی روزنیز ورکشاپ جوړ کړ. دغه ورکشاپ د یاد روغتون نرسانو او د ختیځ زون (کنړ، ننګرهار، لغمان او خوست) ملکي روغتونونو د سترګو ډيپارټمنټونو نرسانو د پوهې کچې او ظرفیت لوړوالي په موخه پر لار اچول شوی و.
د سترګو متخصص پوهنیار توفیق احمد مشکاني په وینا په یاد ورکشاپ کې د یو شمېر مهمو موضوعاتو لکه په عملیاتخونه کې د نرسانو مسوولیتونو، عملیات شویو ناروغانو مراقبت، د انتاناتو وقايې او طبي وسایلو د تعقیم په اړه نظري او عملي روزنه ورکول کېږي.
د یادولو وړ ده چې تر وړاندې هم د ختیځو ولایتونو متخصصانو لپاره د سترګو تدریسي روغتون استادانو له لوري د ( د سترګو په عملیاتونو کې د کیفیت ښه والي) تر عنوان لاندې څلور ورځنی روزنیز ورکشاپ جوړ شوی و.
