د مغز هیداتید کیست جراحي عملیات په بریالي ډول تر سره شو
د کابل طبي علومو پوهنتون اړوند علي آباد تدریسي روغتون د اعصابو جراحي ډيپارټمنټ د یو ۵۶ کلن ناروغ د مغز کیست جراحي عملیات په بریالي ډول تر سره کړل.
دغه ناروغ د سر درد له امله یاد روغتون ته مراجعه کړې وه چې تر لازمو معایناتو وروسته یې هیداتید کیست تشخیص او د یاد ډيپارټمنټ ډاکټرانو او متخصصانو له لوري د نوموړي له مغز څخه د یو بریالي عملیات په وسیله دغه کېست و ایستل شو.
د اعصابو جراح ډاکټر محمد باقر سعیر د ناروغ وضعیت د ډاډ وړ بولي او وایي چې موږ وکولای شول چې د ناروغ له مغز څخه دغه کېست په بشپړ ډول را وباسو.
