د صدري، قلبي وعایي ناروغیو انسټيټیوټ کارکوونکو ته د اداري فساد سره د مبارزې او نظم او دیسپلین برابرولو په اړه یو ورځنی سیمینار تر سره شو.
نن دوشنبه د روان کال زمري میاشتې پر اتمه نېټه د کابل طبي علومو پوهنتون د مالي او اداري چارو مرستیال محترم مولوي عبدالرحمن مرحوم په مشرۍ په داسې حال کې چې د یاد پوهنتون د موسساتي چارو مرستیال دوکتور محمد هاشم ځاځي او د صدري، قلبي او وعایي ناروغیو انسټيټیوټ رییس د پوهنتون د دعوت او ارشاد آمر او د دغه انستیتیتوت زیاترو کارکونکو هم حضور درلود د کیفیت لوړونې او له اداري فساد سره د مبارزې، پاک چاپیریال او ښه نظم او دیسپلین رامنځ ته کولو په موخه یو ورځنۍ اصلاحي سیمینار سره شوه.
په پیل کې د کابل طبي علومو پوهنتون مالي او اداري مرستیال محترم مولوي عبد الرحمن مرحوم د لوړو زده کړو وزارت د مشرتابه هدایتونه او لارښوونې ناستو ګډونوالو ته وړاندې کړې. ویې ویل: چې د مسلمانانو خدمت کول دنیوي او اخروي ګټې لري او په ښه ډول تر سره کولو سره یې لوی اجرونه ورکول کېږي.
مالي او اداري مرستیال د مسوولینو له لوري په دغه انسټيټیوټ کې نظافت او پاکوالي، له مراجعینو او ناروغانو سره ښه چلند، په چارو کې دقت او د مالي فساد په مخنیوي کې رول مهم وباله او زیاته یې کړه چې باید یادو مواردو ته جدي پاملرنه وشي.
همدارنګه هغه د کارکوونکو څخه وغوښتل چې د مسوولینو پوره اطاعت او د اوامرو پابندي وکړي، او د حاضرۍپه پابندۍ او یووالي سره د چارو ښه ترسره کولو سره يې ټینګار وکړ.
د یادولو وړ ده چې تر جلسې وروسته د مالي او ادري چارو مرستیال او ورسره پلاوي د یاد انسټيټیوټ له بېلا بېلو برخو څخه ليدنه وکړه او په ځینو برخو کې د موجوده ستونزو د حل ژمنه يې وکړه.
