د کابل طبي علومو پوهنتون «ابو علي ابن سینا» اړوند ستوماتولوژي تدريسي روغتون د راپور له مخې دغه روغتون په تېرو درېیو میاشتو کې د ۱۱ زره او ۱۱۵ تنه ناروغانو لپاره روغتیايي خدمات وړاندې کړي دي.
دغه خدمات د داخلې، اورتودنسي، پروستو دنتکس، اورل ميډیسن، امپلنټ، لابراتواري او تشخیصیه معایناتو، د ماشومانو ستوماتولوژي، پریودنتولوژي، صغیره او کبیره جراحي عملیاتونو په برخو کې ترسره شوي دي.
د یادولو وړ ده چې د یادو روغتیايي خدماتو وړاندې کېدو له امله ۶۰۳ زره او ۲۳۰ افغانۍ عواید هم راټول شوي دي.
