د کابل طبي علومو پوهنتون رئيس شیخ الحدیث مفتي احسان الله ابوالفیضان په خپل کاري دفتر کې د آریانا طبي کمپلکس له رئیس ډاکټر عبدالواحد صدیقي سره لیدنه او خبرې وکړې.
په دغه ناسته کې دواړو خواوو د دوه اړخیزو همکاریو پراختیا، علمي او مسلکي تجربو شریکولو او روغتیایي کادرونو د ظرفیت لوړونې په اړه بحث او د نظرونو تبادله وکړه. همدارنګه د روغتیايي خدماتو کیفیت د ښه والي لپاره د تخصصي زده کړو، او دواړو بنسټونو له وړتیاوو څخه د اغېزناکې ګټې اخیستنې پر اهمیت ټینګار وشو.
